旅遊展嘅主辦機構匯眾展覽公司負責人同Emily呻，話為咗吸引公眾入場，旅遊展每年都會搞吓大抽獎，送吓機票、酒店住宿咁，完咗之後咪通知中獎嘅幸運兒，點知原來唔少人都好警覺，以為大會呃人，旨在佢地上去然後推銷會籍。

結果，工作人員要多番解釋，同埋叫佢哋睇埋報紙，啲人先夠膽去領獎。所以話香港人幾時都咁醒目，不過主辦機構就慘啲，可謂黑狗偷食，白狗當災囉。